Ambe Tu Hai Jagdambe Kali
Special Aarti of Mother Durga
Ambe Tu Hai Jagdambe Kali, Jai Durge Khappar Wali.
Tere Hi Gun Gaaye Bharati, O Maiya Hum Sab Utare Teri Aarti.
Tere Bhakt Jano Par Mata, Bheer Padi Hai Bhaari.
Danav Dal Par Toot Pado Maa, Karke Singh Sawari.
Sau-Sau Sinho Se Tu Balshali, Hai Asht Bhujhaon Wali.
Dushton Ko Tu Hi Lalkarti, O Maiya Hum Sab Utare Teri Aarti.
Maa-Bete Ka Hai Is Jag Mein, Bada Hi Nirmal Naata.
Poot-Kapoot Sune Hai Par Naa, Mata Suni Kumata.
Sab Pe Karuna Darshane Wali, Amrit Barsane Wali.
Dukhiyon Ke Dukhde Nivarti, O Maiya Hum Sab Utare Teri Aarti.
Nahi Mangte Dhan Aur Daulat, Na Chaandi Na Sona.
Hum Toh Maangen Maa Tere Man Mein, Ek Chhota Sa Kona.
Sabki Bigdi Banane Wali, Laaj Bachane Wali.
Satiyon Ke Sat Ko Sanwarti, O Maiya Hum Sab Utare Teri Aarti.
Charan Sharan Mein Khade Tumhari, Le Pooja Ki Thali.
Varad Hast Sar Par Rakh Do Maa, Sankat Harne Wali.
Maa Bhar Do Bhakti Ras Pyali, Asht Bhujhaon Wali.
Bhakton Ke Karaj Tu Hi Saarti, O Maiya Hum Sab Utare Teri Aarti.
