दैनिक जीवनमा काम लाग्ने केही सरल ज्योतिषीय उपाय र मन्त्रहरू

१. विद्या, बुद्धि र परीक्षामा सफलता प्राप्तिका लागि

• सरस्वती मन्त्र: विद्या प्राप्तिका लागि "ॐ ऐं महासरस्वत्यै नमः" मन्त्रको नित्य जप गर्नु शुभ मानिन्छ।
• हनुमान चालीसाबाट: बल, बुद्धि र विद्या प्राप्त गर्नका लागि यो चौपाई पाठ गर्न सकिन्छ:

  "बुद्धिहीन तनु जानिके सुमिरौँ पवन-कुमार । बल बुधि बिद्या देहु मोहिं हरहु कलेस बिकार ॥"

  त्यस्तै, विद्या प्राप्तिकै लागि यो चौपाईको पाठ पनि अत्यन्त लाभदायक हुन्छ:

  "बिद्यावान गुनी अति चातुर । रामकाज करीबे को आतुर ॥"

• रामचरितमानसबाट: पढाइ वा परीक्षामा सफलता प्राप्त गर्नका लागि यो चौपाईको जप गर्नुहोस्:

  "जेहि पर कृपा करहिं जनु जानी । कबि उर अजिर नचावहिं बानी ॥"

२. धन, सम्पत्ति र गरिबी निवारणका लागि

• महालक्ष्मी मन्त्र: धनकी देवी महालक्ष्मीको "ॐ श्रीं महालक्ष्म्यै नमः" मन्त्र भक्तिपूर्वक जप गर्नाले व्यापार, व्यवसाय र नोकरीमा आय वृद्धि हुन्छ।
• दुर्गा सप्तशतीबाट: गरिबी र डर हटाउनका लागि यो श्लोकको पाठ अत्यन्त लाभदायी छ:

  "दुर्गे स्मृता हरसि भीतिमशेषजन्तोः स्वस्थैः स्मृता मतिमतीव शुभां ददासि ।
  दारिद्र्यदुःखभयहारिणी का त्वदन्या सर्वोपकारकरणाय सदार्द्रचित्ता ॥"

• रामचरितमानसबाट: धनसम्पत्ति प्राप्तिका लागि यो चौपाईको जप गर्न सकिन्छ:

  "जे सकाम नर सुनहि जे गावहि । सुख संपत्ति नाना बिधि पावहि ॥"

  त्यस्तै, पण्डित डोंग्रेजी महाराजका अनुसार रामचरितमानसको अयोध्याकाण्डको यो चौपाईको नित्य पाठ गर्ने व्यक्तिको घरमा कहिल्यै गरिबी आउँदैन:

  "जब तें रामु ब्याहि घर आए । नित नव मङ्गल मोद बधाए ॥"

३. रोग र शारीरिक कष्टबाट मुक्तिका लागि

• महामृत्युञ्जय मन्त्र: रोगबाट मुक्ति र कष्ट निवारणका लागि यो मन्त्रको जप गर्नु निकै शुभ मानिन्छ:

  "ॐ त्र्यम्बकं यजामहे सुगन्धिं पुष्टिवर्धनम् ।
  उर्वारुकमिव बन्धनान्मृत्योर्मुक्षीय माऽमृतात् ॥"

• हनुमान चालीसाबाट: रोग र पीडा नाश गर्न यो चौपाईको निरन्तर पाठ गर्नुहोस्:

  "नासै रोग हरै सब पीरा । जपत निरन्तर हनुमत बीरा ॥"

• रामचरितमानसबाट: बिमारी तथा अशान्ति हटाउनका लागि यो चौपाईको जप गर्न सकिन्छ:

  "दैहिक दैविक भौतिक तापा । राम राज काहूहिं नहि ब्यापा ॥"

४. सङ्कट, डर र मानसिक अशान्तिबाट मुक्तिका लागि

• हनुमान मन्त्र: अनेक डर, त्रास र अज्ञात भयबाट मुक्तिका लागि रुद्रावतार हनुमानजीको यो मन्त्र जप गर्नु शुभ मानिन्छ:

  "ॐ हम् हनुमते रुद्रात्मकाय हुं फट् स्वाहा"

• हनुमान चालीसाबाट: सुत्ने समयमा डर लाग्ने र खराब सपना देख्ने समस्या छ भने यो चौपाई पढ्नुहोस्:

  "भूत पिसाच निकट नहिं आवै । महाबीर जब नाम सुनावै ॥"

  कुनै पनि प्रकारको सङ्कटबाट पार पाउन यो चौपाईको जप गर्न सकिन्छ:

  "संकट कटे मिटै सब पीरा । जो सुमिरै हनुमत बलबीरा ॥"

• रामचरितमानसबाट: सफल र कुशल यात्राका लागि वा कतै बाहिर निस्कँदा यो चौपाई पढेर निस्कनु लाभदायक हुन्छ:

  "प्रबिसि नगर कीजे सब काजा । हृदयँ राखि कोसलपुर राजा ॥"

मन्त्र जप गर्दा ध्यान दिनुपर्ने महत्त्वपूर्ण कुराहरू

1. मालाको प्रयोग र नियम: जप गर्दा १०८ दानाको माला (रुद्राक्ष, तुलसी वा कमलको दानाको माला) प्रयोग गर्नु उत्तम हुन्छ। जप गर्दा मालाको सुमेरु (सबैभन्दा माथि रहने छुट्टै दाना) लाई नाघेर जानु हुँदैन। यदि धेरै माला जप गर्नु छ भने सुमेरुमा पुगेपछि मालालाई घुमाएर पुनः उल्टो दिशाबाट सुरु गर्नुपर्दछ।
2. हात र औँलाको सही प्रयोग: मन्त्र जप्दा सधैँ दायाँ हातको प्रयोग गर्नुहोस्। माला सार्नका लागि बुढी औँला (Thumb), माझी औँला (Middle finger) वा साहिँली औँला (Ring finger) को प्रयोग गर्नुपर्दछ। जप गर्दा चोरी औँला (Index finger) ले मालालाई छुने वा सार्ने काम कदापि गर्नु हुँदैन।
3. आसन र दिशा: शुद्ध आसनमा बस्नुहोस्। जप गर्दा सधैँ पूर्व वा उत्तर दिशा तर्फ फर्केर एकाग्र चित्तका साथ बस्नु पर्दछ।